اقوام متحدہ کے ماحولیاتی تحفظ سے متعلق ادارے کی بلین ٹری سونامی سے متعلق رپورٹ پر وزیراعظم نے کہا ہے کہ ہمیں اپنی ٹیم پر فخر ہے۔
تفصیلات کے مطابق ا قوام متحدہ کے پروگرام برائے ماحولیات نے حکومت کے ٹین بلین ٹری سونامی منصوبے کو ماحولیات کے تحفظ کے لیے ایک بہترین منصوبہ قرار دیا ہےاور اقوام متحدہ کے ادارے نے کہا ہے کہ پاکستان ماحول اور جنگلی حیات کے تحفظ میں دنیا میں ہونے وا لی کوششوں میں ایک قائدانہ کردار ادا کردار ادا کر رہا ہے۔
وزیراعظم عمران خان نے ٹوئٹ کی کہ ہم تاریخ کے ایسے موڑ پرکھڑے ہیں جہاں ہمیں کام کرنے کی ضرورت ہے، پاکستان ماحولیاتی چیلنجز سے نمٹنے کے لیے اہم کوشش کی قیادت کررہا ہے۔
Proud of my team. “We are at a point in history where we need to act, and Pakistan is leading on this important effort” says UNEP.https://t.co/jqcq8b7jRe
— Imran Khan (@ImranKhanPTI) March 29, 2022
وزیراعظم عمران خان نےاقوام متحدہ کے ماحولیاتی تحفظ سے متعلق ادارے کی رپورٹ بھی شیئرکی۔
رپورٹ میں پاکستان کے بلئن ٹریز پراجیکٹ کو سراہا گیا ہے، UNEP کے ایشیا اور پیسیفک کے علاقائی ڈائریکٹرDechen Tsering کا کہنا ہے کہ بڑے پیمانے پر بحالی کے اقدامات جیسے کہ دس بلین ٹری سونامی پروجیکٹ اقوام متحدہ کی دس سالہ بحالی پروگرام کو سپورٹ کرنے اور ماحولیاتی نظام کی بحالی کو بڑھانے کے لیے پاکستان کی کوششوں میں مرکزی حیثیت رکھتے ہیں
اقوام متحدہ کے ترقیاتی پروگرام (یو این ڈی پی) کی رپورٹ کے مطابق، پاکستان خاص طور پر مون سون کی بڑھتی ہوئی تغیرات، ہمالیہ کے گلیشیئرز کے کم ہونے اور سیلاب اور خشک سالی سمیت انتہائی واقعات کا شکار ہےجس سے خوراک اور پانی کے عدم تحفظ میں اضافہ ہو گا۔
یہ ایک ایسا مسئلہ ہے جس سے حکومت پاکستان واقف ہے اور اسے فوری طور پر حل کرنے کی کوشش کر رہی ہے۔
TBTTP کے ساتھ ساتھ حکومت نے 2023 تک اپنے محفوظ علاقوں کو 15 فیصد تک بڑھانے کا عہد کیا ہے۔ 2018 میں یہ 12 فیصد رہے 2021 کے وسط تک وہ 13.9 فیصد رہے۔
