لندن کے پارلیمنٹ سکوائر کے باہر ملین ماسک مارچ کے مظاہرین کی پولیس کے ساتھ جھڑپ کے دوران 12 افراد گرفتار کر لیے گئے ہیں،مارچ میں ماسک پہنے مظاہرین نے وزیراعظم بورس جانسن کا پتلا بھی نذر آتش کیا گیا۔

طلاعات کے مطابق برطانیہ میں حکومت مخالف ملین ماسک مارچ کے دوران 8 پولیس اہلکار زخمی ہوئے جبکہ 12 مظاہرین کو گرفتار کر لیا گیا ہے۔پولیس نے بتایا کہ لندن میں جمعہ کی رات ہونے والے مظاہرے میں ملوث 12 افراد کو گرفتار کر لیا گیا اور ہمارے آٹھ اہلکار زخمی ہوئے ہیں۔ مظاہرین نے وزیراعظم بوریس جانسن کی تصویر کو بھی آگ لگا دی اور حکومت کے خلاف نعرے لگائے۔

ملین مارچ کے نام سے پہچانی جانے والی تحریک کے متعدد اراکین نے کورونا وائرس سے نمٹنے کے لیے پابندیوں اور لاک ڈاؤن کے خلاف پلے کارڈز اٹھائے ہوئے تھے۔ گذشتہ برس احتجاج کے دوران لاک ڈاؤن کی پابندیوں کی خلاف ورزی پر دو سو افراد کو گرفتار کیا گیا تھا۔برطانیہ میں ہر سال پانچ نومبر کی رات آتش بازی ہوتی ہے، اس دن برطانوی سلطنت کو ختم کرنے کی سازش سامنے آئی تھی۔ اس سازش کے گروپ کے رہنما کو گائے فاکس کے نام سے جانا جاتا ہے۔