وفاقی تحقیقاتی ادارے (ایف آئی اے) حکام کا کہنا ہے کہ خاتون اول کی دوست فرحت شہزادی عرف فرح خان نے لگژری کار بک کروائی، فرح خان کو کار ملی نہ پیسے۔

حکام کے مطابق ملزم ملک سے فرار ہوگیا جس کا مقدمہ درج کیا گیا، جبکہ فرح خان نے ایف آئی آر میں اپنا اصل نام فرحت شہزادی لکھوایا۔ حکام کا کہنا تھا کہ فرح خان نے لگژری کار 7 کروڑ روپے میں بک کروائی، اس کار کی بکنگ میں ایڈوانس کے طور پر 3 کروڑ 63 لاکھ ادا کیے تھے۔

ادھر حکام کا کہنا ہے کہ مقدمہ کی تحقیقات جاری ہیں، ملزم ملک سے فرار ہوچکا ہے۔ آئی اے حکام کے مطابق اس فراڈ کا شکار بننے والی فرح خان اکیلی نہیں بلکہ ان سمیت 23 افراد سے لگژری کار کی بکنگ کے لیے رقوم لی گئیں۔

تحقیقاتی ادارے کے حکام نے بتایا کہ ابوذر نامی یہ ملزم تمام افراد کے پیسے ہڑپ کر گیا، منی لانڈرنگ کی دفعہ بھی لگائی گئی ہے۔ انہوں نے بتایا کہ پولیس کی جانب سے بھی ملزم پر 7 ایف آئی آر درج ہوئیں، ایف آئی اے کے علاوہ نیب بھی معاملے کی تحقیقات کر رہا ہے

ہاد رہے کہ فرح کان سے متعلق کرپشن کے الزامات کو پاکستان تحریک انصاف کے رہنماوں نے  بے بنیا د قرار دیا تھا۔جبکہ موسیٰ مانیکا کا کہنا تھا کہ اس خاتون نے میری والدہ کے ساتھ اچھا نہیں کیا اور دبئی چلی گئی ہے ۔