اپوزیشن کی وزیراعظم عمران خان کیخلاف پیش کی گئی تحریک عدم اعتماد پر ڈپٹی اسپیکر قاسم سوری کی رولنگ پر مسلم لیگ (ن) کے قائد میاں نواز شریف کا موقف سامنے آیا ہے۔
ٹوئٹر پر جاری اپنے بیان میں میاں محمد نواز شریف نے کہا کہ ڈپٹی اسپیکر قاسم سوری کی رولنگ آئین اور قانون کے خلاف تھی، اس رولنگ کو صرف کالعدم قرار دینا ہی کافی نہیں ہو گا۔
ڈپٹی سپیکر کی رولنگ آئین اور قانون کے خلاف تھی اس کو اب صرف کاالعدم قرار دینا ہی کافی نہیں ہو گا۔ آئین اور قومی مفاد کا تقاضہ یہی ہے کہ پارلیمنٹ کے آئینی اختیارات کی فوری بحالی ہو تاکہ پارلیمنٹ اپنی ذمہ داریاں اور فیصلے آئین اور قانون کے مطابق جاری رکھ سکے۔
— Nawaz Sharif (@NawazSharifMNS) April 7, 2022
نوازشریف کا کہنا تھا کہ آئین اور قومی مفاد کا تقاضہ یہی ہے کہ پارلیمنٹ کے آئینی اختیارات کی فوری بحالی ہو تاکہ پارلیمنٹ اپنی ذمہ داریاں اور فیصلے آئین اور قانون کے مطابق کر سکے۔
یاد رہے کہ تحریک عدم اعتماد پر ڈپٹی اسپیکر قاسم سوری کی رولنگ کیخلاف سپریم کورٹ نے فیصلہ محفوظ کر لیا ہے، جو آج شام ساڑھے سات بجے سنایا جائے گا۔
