وزیراعظم عمران خان نے عالمی برادری سے کہا ہے کہ اب عالمی برادری کی اخلاقی ذمہ داری ہے کہ وہ افغان عوام کو درپیش اس انسانی تباہی کو روکے۔
وزیر اعظم عمران خان نے افغانستان میں انسانی بحران پر تشویش کا اظہار کرتے ہوئے اپنی ایک ٹوئٹ میں برطانوی نشریاتی ادارے بی بی سی میں شائع ہونے والی رپورٹ کا حوالہ دیتے ہوئے کہا کہ میں انسانی بحران سے خبردار کرتا ہوں اب ورلڈ فوڈ پروگرام کے سربراہ بھی الرٹ جاری کر رہے ہیں۔

I have been warning of this humanitarian crisis in Afghanistan. Now WFP chief issues alert. Pak will continue to provide all possible relief but int community must act now. It has moral obligation to avert this humanitarian disaster confronting Afghan ppl.https://t.co/SYt9QChyUK

— Imran Khan (@ImranKhanPTI) November 9, 2021

وزیراعظم عمران خان نے اپنی ٹوئٹ میں مزید لکھا کہ پاکستان، افغانستان کو انسانی بحران سے نمٹنے کے لیے ہر ممکن ریلیف فراہم کرتا رہے گا لیکن بین الاقوامی برادری کو اب ایکشن لینا چاہیے۔
وزیر اعظم نے مزید کہا کہ اب عالمی برادری کی اخلاقی ذمہ داری ہے کہ وہ افغان عوام کو درپیش اس انسانی تباہی کو روکے۔
واضح رہے کہ ورلڈ فوڈ پروگرام کے سربراہ نے افغانستان میں انسانی بحران پر تشویش کا اظہار کرتے ہوئے کہا تھا کہ 30 لاکھ افراد کو مدد فراہم کر رہے ہیں تاہم بھوک و افلاس کے شکار افراد کی افغانستان میں تعداد ایک کروڑ تک جا پہنچے گی۔