رکن قومی اسمبلی عامر لیاقت حسین نے کہا ہے کہ آج شہباز شریف کو ووٹ ڈالنے آیا ہوں پاکستان کے ساتھ ہوں خان کے ساتھ نہیں۔
پاکستان تحریک انصاف (پی ٹی آئی) کے منحرف رکن عامر لیاقت تحریک عدم اعتماد پر ووٹنگ کیلئے پارلیمنٹ ہاوس پہنچ گئے ہیں۔ایک صحافی کے سوال پر عامر لیاقت کا کہنا تھا کہ منفرد نہیں ، صحیح ٹویٹ کیے ،آج ووٹنگ ہوگی اور عمران خان وزیر اعظم نہیں ہوں گے ، میں اپوزیشن کے ساتھ ہوں ۔
واضح رہے کہ گزشتہ پارلیمنٹ اجلاس کے بعد عامر لیاقت کھل کر حکومتی فیصلوں اور عمران خان پر تنقید کر رہے ہیں اور انہوں نے اپنے ٹویٹر اکاونٹ سے اس بات کا بھی اعلان کیا تھا کہ اب وہ ان کا ساتھ دیں گے جو غدار نہیں ہیں ۔