چیئرمین سینیٹ محمد صادق سنجرانی نے یوم دستور کے موقع پر اپنے خصوصی پیغام میں قوم کو مبارک باد دیتے ہوئے ان عظیم ہستیوں کو بھر پور خراج عقیدت پیش کیا جنہوں نے آئین پاکستان کا مسودہ تیارکیا۔

چیئرمین سینیٹ نے کہا کہ یوم دستور ایک اہم دن ہے اور گزشتہ چند برسوں سے باقاعدہ طور پر منایا جا رہا ہے، جسکی روایت سینیٹ آف پاکستان نے ڈالی ہے۔ اسلامی جمہوریہ پاکستان میں 10 اپریل کو یوم دستور منایا جا تا ہے اس آئین نے وفاق پاکستان کو مضبوط کرنے اور ایوان بالا کے قیام سے تمام وفاقی اکائیوں میں اتحاد کو فروغ دینے میں اہم کردار ادا کیا ہے۔

یاد رہے کہ پاکستان کی پہلی عوامی پارلیمنٹ نے ملک کےموجودہ آئین کی 10 اپریل 1973ء کو متفقہ طور پر منظوری دی تھی۔