ایف آئی اے نے سوشل میڈیا پر اینٹی اسٹیٹ سرگرمیوں میں ملوث عناصر کی گرفتاریوں کیلئے کریک ڈاؤن کیا جس میں آرمی چیف کے خلاف ٹرینڈ چلانے والےسیاسی جماعت کے ایکٹوسٹ کو بھی گرفتار کرلیا گیا ہے۔

تفصیلات کے مطابق ایف آئی اے سائبر کرائم کی ٹیموں نے دیگر ونگز کے ساتھ مل کر اسلام آباد، لاہور، کراچی، ملتان اور راولپنڈی میں مختلف مقامات پر چھاپے مارے ہیں، جبکہ  لاہور سے آرمی چیف کے خلاف ٹرینڈ چلانے والے سیاسی جماعت کے سوشل میڈیا ایکٹوسٹ مقصود عارف سمیت پانچ ملزمان کو گرفتار کرکے قانونی کاروائی کیلئے ایف آئی کے کاؤنٹر ٹیررازم ونگ کے حوالے کردیا۔ایف آئی اے کے مطابق لاہور سے گرفتار شخص نے 22 مختلف اکاؤنٹ بنائے ہوئے تھے، جن سے اس نے  متعدد نازیبا ٹویٹس کئے۔

ذرائع ایف آئی اے کا کہنا ہے کہ ملزمان کےخلاف انسداد دہشت گردی ایکٹ کے تحت مقدمات درج ہوں گے۔