وزیراعظم آفس میں نئی ٹیم کی تشکیل کیلئے بیوروکریسی میں تقرر و تبادلے شروع کر دئیے گئے ہیں۔

تفصیلات کے مطابق  خیبرپختونخوا میں تعینات 20 گریڈ کے ڈی آئی جی ہمایوں بشیر تارڑ کا تبادلہ کرکے ان کی خدمات وفاقی تحقیقاتی ادارے  ایف آئی اے کے سپرد کردی گئی ہیں، جبکہ پنجاب حکومت میں تعینات گریڈ 19 کے چوہدری محمد علی رندھاوا کا تبادلہ کرکے ان کی خدمات وزیراعظم آفس کے سپرد کی گئی ہیں۔علاوہ ازیں گلگت بلتستان حکومت میں تعینات گریڈ 19 کے سُمیر احمد سید کی خدمات بھی وزیراعظم آفس کے سپرد  کی گئی ہیں۔

سیکشن افسر وفاقی تعلیم ڈویژن وسیم احمد کا تبادلہ کرکے انہیں وزیراعظم آفس میں ڈپٹی سیکرٹری تعینات کر دیا  گیا ہے۔

اسٹیبلشمنٹ ڈویژن نے تقرروتبادلوں کے نوٹیفکیشن بھی جاری کردئیے ہیں۔