پاکستان تحریک انصاف کے چیئرمین عمران خان نے تمام دھمکیوں اور خطرات کی پرواہ نہ کرتے ہوئے آج پشاور جلسے میں خطاب کرنے کا فیصلہ کیا ہے۔
پشاور کے علاقے رنگ روڈ میں پی ٹی آئی کے کارکنوں کی آمد کا سلسلہ جاری ہے، رات 9 بجے کے بعد عمران خان جلسہ گاہ پہنچیں گے۔ جلسے میں عمران خان کا خطاب نمازعشاء و تراویح کے بعد ہو گا۔
پاکستان تحریک انصاف تمام خطرات کی پرواہ نہ کرتے ہوئے آج پشاور جلسے میں جائیں گے، اور تحریک عدم اعتماد اور آئندہ کے لائحہ کے متعلق اہم اعلانات کریں گے۔
واضح رہے کہ چند روز قبل پاکستان تحریک انصاف کے سینیٹر فیصل واوڈا نے کہا تھا کہ عمران خان کو قتل کرنے کی سازش کی جا رہی ہے۔ فیصل واوڈا کا کہنا تھا کہ انہوں نے وزیر اعظم سے کئی بار کہا ہے کہ جلسے میں بلٹ پروف شیشہ لگوائیں لیکن انہوں نے کہا کہ جب میری موت لکھی ہوگی تو چلا جاؤں گا۔
دوسری جانب سابق وزیر داخلہ شیخ رشید نے آج پریس کانفرنس کرتے ہوئے کہا کہ عمران خان کی جان کو خطرہ ہے، انہیں جیل میں بھی ڈالا جا سکتا ہے، لیکن وہ جلد کارکنان کو اسلام آباد آنے کی کال دے گا۔
پشاور:13 اپریل
عمران خان کی خصوصی دعوت پر آج جلسے کیلئے آیا ہوں،بین الاقوامی طاقتوں نے ہماری حکومت ختم کرکے کرایہ کے ٹوٹھوں کو لائے،
اگر باپ اور ایم کیو ایم ساتھ نہ بھی دیتے تو بھی عدم اعتماد ہونی تھی،
لوگ ان کی شکل نہیں دیکھنا چاہتے تو انکے فیصلوں کیساتھ کیسے کھڑے ہونگے، pic.twitter.com/yLtmOAKh7P
— Sheikh Rashid Ahmed (@ShkhRasheed) April 13, 2022
ذرائع کے مطابق سابق وزیراعظم عمران خان تمام دھمکیوں کی پرواہ نہ کرتے ہوئے پشاور جلسے میں جائیں گے۔
