پنجاب اسمبلی کے کل ہونے والےاجلاس کا ایجنڈا جاری کردیا گیا۔

ایجنڈے کے مطابق پنجاب اسمبلی کا اجلاس کل صبح ساڑھے 11 بجے ہوگا جس کی صدارت ڈپٹی اسپیکر دوست محمد مزاری کریں گے۔

ایجنڈے میں بتایا گیا ہے کہ اجلاس میں آئین کے آرٹیکل 130 کے تحت وزیراعلیٰ پنجاب کا انتخاب ہوگا۔

خیال رہے کہ پنجاب کی وزارت اعلیٰ کیلئے حمزہ شہباز مسلم لیگ ن اور اتحادی جماعتوں کے امیدوار ہیں جبکہ چوہدری پرویز الٰہی پی ٹی آئی اور مسلم لیگ ق کے متفقہ امیدوار ہیں۔

دونوں جانب سے اپنی اپنی جیت کے متضاد دعوے  کیے جا رہے ہیں۔  چوہدری پرویز الٰہی کی جانب سے 189 ارکان جبکہ حمزہ شہباز شریف نے  200 سے زائد ارکان اسمبلی کی حمایت کا دعویٰ کیا ہے۔

وزیرا علیٰ بننے کیلئے کل 186 ووٹ درکار ہیں۔