وزیراعظم شہباز شریف نے چینی کی قیمت کم کرنے کیلئے اس کی برآمد پر پابندی عائد کردی ہے۔
تفصیلات کے مطابق وزیراعظم شہباز شریف کی زیر صدارت اجلاس ہوا جس میں مہنگائی میں کمی اور معاشی صورتحال کی بہتری کیلئے بڑے فیصلے کئےگئے۔
اجلاس میں وزیراعظم نے مشاورت سے چینی کی برآمد پر پابندی عائد کرنے کا فیصلہ کیا، جو کہ پورا سال برقرار رہے گی۔
ذرائع کے مطابق ملک میں ضرورت کے مطابق چینی کی وافر مقدار کے ساتھ اضافی ذخیرہ بھی موجود ہے۔ وزیراعظم کی جانب سے کئے گئے اس فیصلے کا مقصدملک میں چینی کی قیمتوں کو کم کرنا اور عوام کو ریلیف دینا ہے۔
