پاکستان پیپلزپارٹی کے سابق صدر آصف علی زرداری نے کہا ہے کہ میرا خیال ہے پیپلزپارٹی وزارتیں نہیں لے رہی ۔ ہم کوشش کر رہے ہیں وزراتیں نہ لیں ۔ ہم چاہتے ہیں دوستوں کو پہلے ایڈجسٹ کریں۔

قومی اسمبلی میں میڈیا سے گفتگو کرتے انہوں نے کہا کہ وزارتیں نہیں لے رہے ۔ پہلے جو دوست ہمارے کہنے پر آئے ہیں ان کو وزارتیں دلوائیں گے۔ واضح رہے کہ متحدہ اپوزیشن کے الائنس کی حکومت آئے 6 دن ہوگئے ہیں اور وزیراعظم شہبازشریف ابھی اپنی کابینہ کا اعلان نہیں کرسکے ۔ ذرائع کا کہنا ہے کہ پیپلز پارٹی وزارتیں نہیں بلکہ آئینی عہدے لینا چاہتی ہے جبکہ صدر کے عہدے کے لیے بھی الائنس میں اختلافات ہیں۔

سابق‌ صدر آصف زرداری پارلیمنٹ ہاوس پہنچے تو صحافی نے سوال کیا آپ نے اپوزیشن کا جو گلدستہ بنایا ہے، کتنی دیر تک اتحاد چلے گا ، جس پر آصف زرداری نے جواب دیا کہ اچھی اچھی باتیں کیوں نہیں کرتے ہو۔صحافی نے آصف زرداری سے سوال کیا بلاول بھٹو وزیرخارجہ بنیں گے، جس پر آصف زرداری نے معنی خیز جواب دیتے ہوئے کہا
بلاول بھٹو پرائم منسٹر بنے گا