پنجاب اسمبلی میں ہنگامہ آرائی اور تشدد کا نامعلوم افراد کے خلاف مقدمہ ڈی ایس پی شہزاد منظور کی مدعیت میں تھانہ قلعہ گجر سنگھ میں درج کرلیا گیا ہے۔
تفصیلات کے مطابق مقدمہ پنجاب اسمبلی سیکیورٹی کے ڈی ایس پی شہزاد منظور کے بیان پر درج کیا گیا۔ ایف آئی آر کے مطابق حملے کے ذمہ داروں کا تعین سی سی ٹی وی فوٹیج سے کیا جائے۔
ایف آئی آر کے مطابق اراکین اسمبلی نے اجلاس کے دوران ڈپٹی اسپیکر دوست محمد مزاری پر لوٹے پھینکنے شروع کردئیے، جبکہ اراکین ڈپٹی اسپیکر کی کرسی پر چڑھ گئے اور بڑی مشکل سے دوست محمد مزاری کو بچا کر انکے کمرے میں پہنچایا گیا۔
ایف آئی آر کے متن کے مطابق مہمانوں کی گیلری سے چند نامعلوم اشخاص اسمبلی میں گھس آئے جنہوں نے ایم پی ایز کو زدوکوب کرنا شروع کردیا، ان حملہ آوروں کی شناخت سی سی ٹی وی کیمروں سے کی جائے۔
