گورنر پنجاب عمر سرفراز چیمہ نے عثمان بزار کے بطور وزیر اعلیٰ استعفے کی منظور پر اعتراض اٹھاتے ہوئے ایڈووکیٹ جنرل پنجاب کو خط لکھ دیا۔
تفصیلات  کے مطابق گورنر پنجاب عمر سرفراز چیمہ کی جانب سے لکھے گئے خط میں عمر سرفراز چیمہ نے سابق گورنر چودھری سرور کی جانب سے عثمان بزدار کے استعفے کی منظوری پر اعتراض اٹھایا اور ایڈووکیٹ جنرل سے عثمان بزدار کے استعفے کی منظوری کی قانونی حیثیت دریافت کی ۔
خیال رہے کہ سابق وزیر اعلیٰ پنجاب سردار عثمان بزدار نے 29 مارچ کو وزیر اعظم سے ملاقات میں اپنا استعفیٰ ان کے حوالے کیا تھا ، استعفیٰ 30 مارچ کو گورنر ہاؤس کو موصول ہو گیا تھا جسے چودھری سرور نے منظور کیا تھا۔