سابق وزیراعظم عمران خان نے کہا ہے کہ دورہ روس سے قبل اسٹیبلشمنٹ سے مشاورت کی تھی۔

آج بنی گالا میں میڈیا نمائندوں سے گفتگو کرتے ہوئے سابق وزیراعظم عمران خان نے کہا کہ روس جانے سے قبل میں نے جنرل باجوہ کو فون کیا، جس پر جنرل باجوہ نےبھی کہا کہ ہمیں روس جانا چاہیے۔ انہوں نے کہا کہ روس سے ہتھیار، تیل، گندم اور گیس کی بات کی، روس ہمیں  گندم اور تیل 30 فیصد سستا دینے کو تیار تھا، آزاد خارجہ پالیسی ہوتی تو یہ نہ ہوتا، ملک معاشی خوشحال ہونا شروع ہوا تو یہ سازش سامنے آگئی۔

Chairman PTI @ImranKhanPTI in conversation with journalists earlier today in Bani Gala. #امپورٹڈ_حکومت_نامنظور pic.twitter.com/q9dLogStcu

— PTI (@PTIofficial) April 18, 2022

سابق وزیراعظم کا کہنا تھا  کہ ہمیں کہا گیا کہ روس نہ جائیں، جبکہ دوسری جانب ان کا اتحادی بھارت روس سے  تیل خرید رہا تھا، ہمیں کہا گیا روس کے خلاف اقوام متحدہ  میں ووٹ دیں۔

عمران خان نے کہا کہ بہت سے لوگوں کی بہت سے باتوں کا علم ہے، مگر کوئی ایسی بات نہیں کہوں گا جس سے ملک کو نقصان پہنچے، ہمارے لئے مضبوط فوج بے حد ضروری ہے۔ مزید کہا کہ جنرل باجوہ کے بارے میں کوئی ایسی بات نہیں کروں گا جس سے پاک فوج کو نقصان ہو۔