آئی ایم ایف نے حکومت سے مذاکراتی ٹیم کے نام مانگ لیے۔
ذرائع وزارت خزانہ کے مطابق ٹیم اراکین کے نام ملنے کے بعد ملاقات کا شیڈول طے کیا جائے گا، آئی ایم ایف پیکیج کے تحت یہ مذاکرات کا آخری دور ہوگا۔
مذاکرات میں پاکستان کو درکار نئے پیکیج پر بھی بات ہوگی۔ نئے پیکیج کے ذریعے فوری بیرونی ادائیگیوں کو یقینی بنایا جائے گا۔ جاری پیکج میں بجٹ خساروں سے نمٹنے کی حکمت عملی طے کی جائے گی۔
توانائی شعبے میں اٹھاے گئے اقدامات کی بنیاد پر سلسلہ آگے بڑھایا جائے گا۔ اسٹیٹ بینک آف پاکستان کے تبدیل شدہ اسٹیٹس پر بھی مذاکرات شیڈول میں آنے کا امکان ہے۔
