نو منتخب وزیراعظم شہباز شریف کی وفاقی کابینہ کی تقریب حلف برداری آج ایوان صدر میں ہوگی، تاہم حلف صدر مملکت کے بجائے چیئرمین سینیٹ لیں گے۔

ذرائع کے مطابق نئی حکومت میں شامل اتحادی  جماعتوں کے درمیان وزارتوں کی تقسیم کا معاملہ پایہ تکمیل تک پہنچ چکا ہے۔ نئی وفاقی کابینہ کی تقریب حلف برداری گزشتہ شب ہونی تھی، جو صدر مملکت کے حلف لینے سے انکار کے باعث نہ ہو سکی۔

ذرائع کا کہنا ہے کہ  صدر مملکت ڈاکٹر عارف علوی کے نئی کابینہ سے حلف لینے سے  معذرت کے بعد اب حلف برداری کی تقریب آج ہوگی اور صدر مملکت کی جگہ اب چیئرمین سینیٹ صادق سنجرانی نئی کابینہ سے حلف لیں گے۔

ذرائع کے مطابق  حلف برداری کی تقریب ایوان صدر میں ہی ہوگی، تاہم  صادق سنجرانی قائم مقام صدر کی حیثیت سے نئی کابینہ سے حلف لیں گے۔