صوبہ سندھ کے شہر شکار پور کے علاقے گڑھی تیغو تھانے پر ڈاکوؤں نے حملہ کر دیا، جس کے نتیجے میں ایس ایچ او تھانہ تیغو رافع پٹھان سمیت 3 پولیس اہلکار شدید زخمی ہو گئے۔زخمی اہلکاروں کو سکھر کے ہسپتال منتقل کر دیا گیا ہے جہاں انہیں طبی امداد دی جا رہی ہے۔
شکارپور پولیس کے مطابق حملہ آج صبح 5 بجے کیا گیا، جس کے بعد حملہ آور ڈاکو باآسانی فرار ہونے میں کامیاب ہو گئے۔
ایس ایس پی تنویر احمد پولیس کی بھاری نفری کے ہمراہ جائے وقوع پر پہنچ گئے ہیں اور پولیس کی جانب سے ملزمان کی گرفتاری کیلئے گڑھی تیغو میں ڈاکوؤں کے خلاف سرچ آپریشن شروع کر دیا گیا ہے۔
