چیئرمین پی ٹی آئی و سابق وزیراعظم عمران خان آج رات سماجی میڈیا پر قوم سے براہِ راست گفتگو کریں گے۔
سابق وزیر اعظم عمران خان نے کہا پوری قوم اپنی آزادی و خود مختاری کیلیے یکجا اور متحرک ہے،21 اپریل کو مینارِ پاکستان پر پاکستان کی حقیقی آزادی و خودمختاری کا اعلان کرینگے، انتخابات کے ذریعے عوام کو اپنے مستقبل کا موقع دینے کے علاوہ کوئی چارہ نہیں۔ سابق وزیراعظم عمران خان آج رات 10 بجے ٹوئٹر اسپیس سے خطاب کریں گے۔
Pleasure always https://t.co/XgW8x1MRWF
— Ch Fawad Hussain (@fawadchaudhry) April 19, 2022
اس حوالے سے عمران خان نے فوکل پرسن برائے یوتھ افیئرزعثمان ڈار سے بنی گالہ میں ملاقات کی اور انہیں مذکورہ مہم متعارف کرنے کی ہدایت جاری کردی ہے۔عثمان ڈار نے میڈیا کو بتایا کہ چیئرمین پی ٹی آئی عمران خان نے “خودار جوان خودار خودار پاکستان” مہم شروع کرنے کی منظوری دے دی۔
انہوں نے کہا کہ مہم کے تحت ملک بھر میں نوجوانوں کے کنونشنز کا انعقاد کیا جائے گا، عمران خان نوجوانوں کو پارٹی کی فیصلہ سازی میں شامل کریں گے۔عوامی رابطہ مہم صرف جلسوں تک ہی محدود نہیں بلکہ سوشل میڈیا پر بھی اس پر کھل کر بات کی جارہی ہے۔
