ایڈووکیٹ جنرل پنجاب احمد اویس ایڈووکیٹ نے گورنر پنجاب عمر سرفراز چیمہ کے مراسلے کا جواب دیا ہے جس میں انہوں نے رائے دیتے ہوئے کہا کہ وزیراعلیٰ پنجاب عثمان بزدار کا ااستعفیٰ آئین کے آرٹیکل 130 کی شب شق 8 کی خلاف ورزی ہے، اسی وجہ سے استعفیٰ غیر آئینی ہے۔

گورنر پنجاب عمر سرفراز چیمہ کا کہنا ہے کہ مسلم لیگ ن نے پہلے خود وزیرِ اعلیٰ کے غیر آئینی استعفے کے خلاف آواز اٹھائی تھی۔جاری کیے گئے ایک بیان میں گورنر پنجاب عمر سرفراز چیمہ نے یہ بات کہی ہے۔ان کا مزید کہنا ہے کہ مسلم لیگ ن نے لاہور ہائی کورٹ کے سامنے اس بات کو بدنیتی کی بنا پر چھپایا ہے۔

عمر سرفراز چیمہ کا مزید کہنا ہے کہ مسلم لیگ ن نے لاہور ہائی کورٹ سے حق میں فیصلہ لینے کے لیے عدالت کو گمراہ کیا۔گورنر پنجاب کا یہ بھی کہنا ہے کہ جرائم پیشہ لوگ ہر موقع پر واردات سے باز نہیں آتے۔