لاہور ہائیکورٹ راولپنڈی بینچ میں سانحہ مری کیس کی سماعت ہوئی ،جسٹس چودھری عبدالعزیز نے مری پر یونائیٹڈ نیشن آرگنائزیشن کی رپورٹ طلب کر لی عدالت نے غیر قانونی تعمیرات پر سوالات اٹھا دیے ۔

تفصیلات کے مطابق لاہور ہائیکورٹ راولپنڈی بینچ میں سانحہ مری کیس کی سماعت جسٹس چودھری عبدالعزیزنے کی ۔سیکریٹری لوکل گورنمنٹ پنجاب ،چیف آفیسر ضلع کونسل اور ایس ڈی او محکمہ ہائی وے عدالت میں پیش ہوئے ،کیس کی سماعت پر عدالت نے استفسار کیا کہ مری کا ماسٹر پلا ن اب تک کیوں نہیں بنا؟۔عدالت نے مری سے متعلق یو این او کی رپورٹ بھی طلب کر لی ،عدالت کا کہنا تھا کہ یو این او کی رپورٹ میں کہا گیا ہے کہ مری ہر سال 3سے 4سینٹی میٹرزمین میں دھنس رہا ہے اورمری میں غیر قانونی تعمیرات کو ڈیزاسٹر قرار دیا گیا ہے ۔