متحدہ قومی موومنٹ پاکستان نے تحریک عدم اعتماد کے پس پردہ امریکی سازش کے متعلق بڑا بیان جاری کیا ہے۔

ایم کیو ایم کے رہنماء اور وفاقی وزیر پورٹ اینڈ شپنگ فیصل سبزواری نے اپنے ایک بیان میں کہا ہے کہ ہمیں کسی امریکی سفیر نے نہیں کہا کہ ہم عمران خان کیخلاف سازش کریں اور ان کے خلاف ووٹ دیں۔

فیصل سبزواری کا کہنا تھا کہ عمران خان نے خود اسمبلی توڑ کر امریکی سازش کو کامیاب بنایا۔ مزید کہا کہ امریکہ نے اگر پاکستان کے خلاف سازش کرنی ہوتی تو وہ عالمی طاقتوں کے ذریعے آئی ایم ایف کے ذریعے ہمیں قرضے دینا بند کروا دیتا۔

وفاقی وزیر نے اپنے بیان میں مزید کہا کہ ایم کیو ایم کی نشستوں  کے نتائج تبدیل کرانے ، ڈرانے دھمکانے کے باجود تحریک انصاف کو صرف 155 نشستیں ملی تھیں، اس صور تحال میں عمران خان کو  لانے والے مالکان نے ہماری مدد سے ان کو وزارت عظمیٰ دلوائی۔

یاد رہے کہ سابق وزیراعظم عمران خان کا کہنا ہے کہ ان کے خلاف تحریک عدم اعتماد امریکی سازش کا شاخسانہ ہے۔