عمران خان کے ہیلی کاپٹر سفر کے اخرجات  پر رہنما تحریک انصاف فواد چوہدری کی وضاحت سامنے آگئی۔

فواد چوہدری نے اپنے ایک بیان میں کہا کہ’ چوں چوں مربہ حکومت ہیلی کاپٹر فوبیا کی مریض دکھائی دیتی ہے ، وزیر اعظم کا اپنا ہیلی کاپٹر ہوتا ہے جس کے استعمال پر کم از کم اخراجات اٹھتے ہیں ، کمرشل نرخوں کا اِن ہاؤس فیسیلیٹی سے موازنہ مضحکہ خیز ہے ‘۔

ان کا کہنا تھا کہ ہیلی کاپٹر کے فی گھنٹہ کمرشل اخراجات لگانا حماقت اور بے وقوفانہ حرکت ہے ، سارے ٹبر کو اپنی رسیدیں آج تک نہیں مل پا رہیں ، عمران خان پر ڈائریاں لے جانے کے الزامات لگا رہے ہیں۔