وزیراعظم شہبازشریف نے 15 ماہ بعد پولیو کا پہلا کیس رپورٹ ہونے پر تشویش کا اظہار کیاہے ۔
تفصیلات کے مطابق وزیراعظم نے متعلقہ حکام سے پولیو کیس کی وجوہات کی رپورٹ طلب کر لی ہے اور پولیو کے خاتمے کیلئے لائحہ عمل مرتب کرنے کی ہدایت بھی کر دی ہے ۔ وزیراعظم شہبازشریف نے پیر کو قومی ٹاسک فورس برائے انسداد پولیو کا اجلاس بھی طلب کر لیاہے ۔خیال رہے کہ ملک میں 15 ماہ بعد خیبرپختونخوا کے ضلع شمالی وزیرستان میں وائلڈ پولیو کیس رپورٹ ہوا ہے جو عالمی سطح پر رپورٹ ہونے والا رواں برس کا تیسرا کیس ہے ۔
دوسری جانب سابق وفاقی وزیر فواد چودھری نے حکومت پر تنقید کرتے ہوئے کہا ہے کہ15ماہ بعد پولیو واپس آگیا ، اللہ پاکستان کی حفاظت کرے ۔انہوں نے کہا ہے کہ عمران خان حکومت میں پولیو ختم ہو گیا تھا۔بل گیٹس پولیو خاتمے کو پاکستان کی عظیم کامیابی قرار دے چکے تھے۔ان کا کہنا ہے کہ عمران خان حکومت کیخلاف سیاسی ایڈونچر نے ملکی معیشت کی کمر توڑ دی ۔
عمران خان حکومت کیخلاف سیاسی ایڈونچر نے جہاں ملکی معیشت کی کمر توڑ دی وہیں پولیو جو ختم ہو گیا تھا اور بل گیٹس پاکستان کا دورہ کر کے اسے پاکستان کی عظیم کامیابی قرار دے چکے تھے پندرہ ماہ بعد پولیو واپس آگیا ہے، خدا پاکستان کی حفاظت کرے #امپورٹڈ_حکومت_نامنظور
— Ch Fawad Hussain (@fawadchaudhry) April 23, 2022
