پاکستان پیپلزپارٹی (پی پی پی )  کی رہنما اور  چیئرپرسن بینظیر انکم سپورٹ پروگرام شازیہ مری  نے سابقہ حکومت کی جانب سے بی آئی ایس پی سے نکالے گئے ناموں کو دوبارہ پروگرام میں شامل کرنے کا اعلان کردیا۔

 تفصیلات کے مطابق  شازیہ مری نے کہا ہے کہ تحریک انصاف کی حکومت نے ساڑھے 8 لاکھ کارڈ بند کر دیئے تھے جن کو دوبارہ بحال کر رہے ہیں ، متاثرین اپنا شناختی کارڈ نمبر 8171 پر بھجیں ،انشاللہ جلد کارڈ بحال ہو جائیں گے اور غریب عوام اس کارڈ سے مستفید ہونگے

یاد رہے کہ نادرا نے گزشتہ 8 سال بی آئی ایس پی سے فائدہ اٹھانے والوں کا تفصیلی جائزہ لیا تھا جس میں فائدہ اٹھانے والے افراد سے متعلق انکشافات سامنے آنے کے بعد سابقہ حکومت نے سال 2019 میں ملک بھر میں 6 لاکھ سے زائد افراد کو بینظیر انکم سپورٹ پروگرام سے نکالنے کا فیصلہ کیا تھا۔