چیف الیکشن کمشنر  کی جانبداری کیخلاف  پی ٹی آئی کے چیئر مین عمران خان نے    احتجاج کی کال دی تھی جس پر  بلاول بھٹو  کا موقف سامنے آگیا۔

تفصیلات کے مطابق اپنے بیان میں انہوں نے کہا کہ متنازع سے آئینی کردار میں منتقلی پر تمام اداروں کی کاوشوں کی حمایت کرتے ہیں،عمران کی سیاست “مجھے کیوں نہیں بچایا” کی مہم کے ساتھ اداروں کو نشانہ بنانے کی ہے۔

بلاول بھٹو نے کہا کہ عمران خان کی سیاست جھوٹ اور پروپیگنڈے پر مبنی ہے، چیف الیکشن کمشنر اپنے ادارے اور آئین کے ساتھ کھڑے ہیں۔

ان کا کہنا تھا کہ یہ سلسلہ جاری رہا تو مستقبل میں ہم ایک مضبوط الیکشن کمیشن دیکھیں گے۔

انہوں نے کہا کہ الیکشن کمیشن کے خلاف احتجاج کا اعلان بلیک میلنگ اور دباؤ کا ایک حربہ ہے، عمران خان کی تمام کوششیں ناکام ہوں گی اور سچ غالب آئے گا۔