وفاقی وزیر خزانہ مفتاح اسماعیل نے امریکہ میں دئیے گئے امربالمعروف کے متعلق اپنے بیان کی وضاحت پیش کردی ہے۔
اپنے ویڈیو بیان میں وفاقی وزیر خزانہ نے کہا کہ عمران خان اور تحریک انصاف کے لوگ اپنی سیاست چمکانے کیلئے مذہب کا بے جا استعمال کررہے ہیں۔انہوں نے کہا کہ عمران خان اپنے جلسوں کا یہ نام رکھتے ہیں، خود کو معروف جبکہ مخالفین کو منکر کہتے ہیں۔
محترم مفتاح اسماعيل صاحب كا موقف اور وضاحت pic.twitter.com/abD62CB6Ij
— TahirMahmoodAshrafi حافظ محمد طاهراشرفى (@TahirAshrafi) April 25, 2022
مفتاح اسماعیل کا کہنا تھا کہ جب میں نے اس بات کی نشاندہی کی تو تحریک انصاف کے سابق وزراءاور ٹرولز آرمی نے مجھ پر حملہ کیا اور مجھ سے متعلق سفید جھوٹ بولا ۔ انہوں نے کہا کہ معاذ اللہ میں نے ایسی کوئی بات نہیں کی جو مجھ سے منسوب کی جا رہی ہے لیکن میں نے بالکل یہ کہاہے کہ عمران خان مذہب کا استعمال کر رہے ہیں جو کہ غلط ہے اور اس کی جتنی مذمت کی جائے کم ہے۔
یاد رہے کہ مفتاح اسماعیل نے واشنگٹن میں اپنے میں ایک بیان میں عمران خان کے سلوگن امربالمعروف کا حوالہ دیتے ہوئے انہیں طالبان سے تشبیہ دی تھی۔
