عوامی آراء پر مبنی سروے جاری  کرنے کےحوالے سے معروف ادارے  پلس کنسلٹنٹ نے نیا سروے جاری کردیا ہے۔

رپورٹ کے مطابق 38 فیصد پاکستانیوں نے نئی حکومت کی صلاحیتوں پر بھروسےکا اظہارکیا ہے۔ سروے میں 29 فیصد  پاکستانیوں نےکہا کہ  نئی حکومت ملکی مسائل حل نہیں کرسکتی،  جبکہ 29 فیصد پاکستانیوں نے اس معاملے پر درمیانہ  اور ملا جلا مو قف اختیار کیا۔

سروے کے مطابق 70 فیصد پاکستانیوں نے مہنگائی اور گھریلو اخراجات پورا نہ ہونےکوپاکستان کا سب سے بڑا مسئلہ قرار دیا ہے، جبکہ 44 فیصد نے بیروزگاری اور 42 فیصد نےکرپشن کو ملک کا بڑا مسئلہ قرار دیا۔

سروے کے مطابق51 فیصد پاکستانی آئندہ 4 سے 6 ماہ میں نئے انتخابات کیلئے پرامید ہیں۔