سینیٹ کی قائمہ کمیٹی برائے داخلہ نے بھیگ مانگنے والوں کیلئے 3 سال اور منگوانے والوں کیلئے ایک سال قید کی سزا تجویز کر دی۔

تفصیلات کے مطابق سینیٹر محسن عزیز کی زیر صدارت سینیٹ کی قائمہ کمیٹی برائے داخلہ کا اجلاس منعقد ہوا، جس میں  سینیٹر سیمی ایزدی کی جانب سے بھیک مانگنے والوں کے بارے میں پیش کئے گئے بل پر غور کیا گیا۔

سینیٹ قائمہ کمیٹی نے گداگری کی روک تھام اور بھیک مانگنے والوں کی بحالی کیلئے بل منظور کر لیاہے۔ بل میں بھیک مانگنے والے کیلئے 3 سال اور منگوانے والوں کیلئے ایک سال قید کی  سزا تجویز کی گئی ہے۔

کمیٹی میں وزارت قانون کے نمائندے کی جانب سے بل کی مخالفت کی گئی،  اور کہا گیا کہ گداگری کے حوالے سے اسلام آباد کیلئے پہلے سے ایک جامع قانون موجود ہے۔

چیئرمین کمیٹی نے وزارت قانون کے نمائندے کے اعتراضات کو مسترد کرتے ہوئے بل منظور کر لیا۔