سابق وزیراعظم عمران خان کا کہنا ہے کہ وہ آج شب مولانا طارق جمیل کے ہمراہ اپنی تحریک کی کامیابی کیلئے خصوصی دعائیہ تقریب کا انعقاد کریں گے۔

ٹوئٹر پر جاری بیان میں عمران خان نے کہا کہ ’پاکستان 14 اگست 1947 بمطابق 27 رمضان المبارک کو معرضِ وجودمیں آیا۔

عمران خان نے مزید لکھا کہ ’27 رمضان المبارک کی انہی مبارک ساعتوں میں میں آج رات 10 بجےمولاناطارق جمیل کے ہمراہ پیارےوطن پاکستان کی حقیقی خودمختاری وجمہوریت کی اپنی تحریک کی کامیابی کیلئے رب العزت کے حضور  دستِ دعا بلندکروں گا۔‘

خیال رہے کہ عمران خان وزارت عظمیٰ سے ہٹائے جانے کے بعد سے سراپا احتجاج ہیں اور انہوں نے جلسوں کا سلسلہ شروع کر رکھا ہے۔

آخری جلسہ انہوں نے لاہور میں کیا تھا جہاں انہوں نے اپنے کارکنوں سے کہا تھا کہ 27 رمضان کی شب خصوصی دعائیں کریں اور جب تک ملک کی حقیقی آزادی کی تحریک کامیاب نہیں ہوجاتی اور الیکشن کا اعلان نہیں ہوجاتا تحریک جاری رہے گی۔

ان کا یہ بھی کہنا تھا کہ کارکن تیاری کریں وہ جلد اسلام آباد آنے کی کال دیں گے۔