لاہور سیشن عدالت نے سپیکر پنجاب اسمبلی چودھری پرویز الہٰی کی  تشدد اور اسمبلی میں توڑ پھوڑ کے معاملے پر اندراج مقدمہ کی درخواست خارج کر دی ۔

ایڈیشنل سیشن جج حافظ رضوان نے درخواست کا فیصلہ سنایا اور کہا کہ ایک ہی وقوعہ کے 2 مختلف مقدمات درج نہیں ہو سکتے، درخواست گزار بیان دینا چاہے تو پہلے سے درج مقدمے کے تحت مؤقف قلمبند کراسکتا ہے۔

سیشن عدالت لاہور نے سپیکر پنجاب اسمبلی چودھری پرویز الٰہی کی تشدد اور اسمبلی میں توڑ پھوڑ پر حمزہ شہباز ،(ن)لیگی ایم پی اے ،سیکریٹری پنجاب اور آئی جی پنجاب کیخلاف مقدمہ درج کرنے کی درخواست پر محفوظ فیصلہ سناتے ہوئے خارج کر دیا۔فیصلے کے مطابق پنجا ب اسمبلی میں ہنگامہ آرائی سے متعلق مقدمہ پہلے ہی درج کیا جا چکا ہے ،پولیس تفتیش کر رہی ہے اور ذمہ داروں کیخلاف کارروائی کی جائیگی ،سپیکر پنجاب اسمبلی کے وکیل عامر سعید کی جانب سے موقف اپنایا تھا کہ پنجاب اسمبلی میں حمزہ شہباز کی ایما پر ن لیگ کے ایم پی ایز نے پرویز الٰہی پر تشدد کیا گیا لیکن پولیس مقدمہ درج نہیں کیا جا رہے ۔