وزیراعظم کے معاون خصوصی شہباز گل نے مریم نواز کی پریس کانفرنس پر ردعمل میں کہا ہے کہ ٹیلی فون پر فیصلے کرانے والے آج نظام انصاف پر کیچڑ اچھالنے میں مصروف ہیں،انصاف اور احتساب کو جیب میں سمجھنے والے آج عدلیہ پر حملے کر رہے ہیں۔
اسلام آباد –(اے پی پی): وزیراعظم کے ترجمان و معاون خصوصی برائے سیاسی ابلاغ ڈاکٹر شہباز گل نے مریم نواز کی پریس کانفرنس پر ردعمل میں کہا ہے نواز شریف کی بیٹی ہونے کے علاوہ آپ کے کریڈٹ پرسوائے جھوٹ کےاورکچھ نہیں،آپ کا سچ کیلبری فونٹ، قطری خط اور عدلیہ سے سرٹیفائیڈ جعلساز و مفرور ڈیکلیئر ہونا ہے، لوٹ مار سے بنائی گئی جائیدادوں کو بچانے کیلئے جھوٹ ہی جن کا وطیرہ ہو، ان سے عوام کو کوئی امید نہیں۔
انہوں نے کہا کہ عدالتی فیصلوں کو روندنے والےمیاں مفرور کا بیانیہ اداروں اور ملک مخالفت کا بیانیہ ہے، انصاف اور احتساب کو جیب میں سمجھنے والے عدلیہ پر حملہ آور ہیں۔ڈاکٹر شہباز گل نے کہا کہ ٹیلی فون پر فیصلے کرانے والے آج نظام انصاف پر کیچڑ اچھالنے میں مصروف ہیں، ایک جھوٹ چھپانے کیلئے نااہلوں کو روزانہ جھوٹ بولنا پڑتا ہے، فیصلہ ان کے حق میں آئے تو انصاف ان کے خلاف آئے تو ناانصافی۔
مریم صفدر نے ہمیشہ کی طرح آج پھر جھوٹ بولا
ان کے نام جو چار اپارئٹمنٹ ہیں ان کی رسیدیں کہاں پر ہیں
لوٹ مار کا پیسہ کس طرح لندن بھجوایا گیا
آج جواب دینے کی بجاے ججوں،گواہوں،اداروں اور عدلیہ کو متنازعہ کیا جا رہا ہے
اور یہ ان کا پورانہ وطیرہ ہے
https://t.co/XFDzfgxx2B via @YouTube— Dr. Shahbaz GiLL (@SHABAZGIL) November 17, 2021
انہوں نے کہا کہ پوری دنیا نے پاناما لیکس کے بعد کرپٹ شریف خاندان اصل رنگ دیکھے، پوری قوم جانتی ہے کہ غریب عوام کا پیسہ لوٹ کر پوری دنیا میں جائیدادیں بنائی گئیں۔
وزیراعظم کے معاون خصوصی کا کہنا تھا کہ آج بھی جس فلیٹ میں رہ رہے ہیں اس کی ٹریل نہیں دی، جن کی پوری سیاست آمر کی گود سے شروع ہوکر این آر او پر ختم ہوئی ہو ان کا نظریات سے کیا لینا دینا۔ انہوں نے کہا کہ زیر کفالت بچوں کے نام 16 آف شور کمپنیاں بنانے والے میاں مفرور آج پارسائی کا لبادہ اوڑ کر نظریاتی ہوگئے۔
