لیگی کارکنان کو جشن منانے سے روک دیا  گیاہے ۔

تفصیلات کے مطابق وزیراعلیٰ پنجاب حمزہ شہباز نے پارٹی کارکنوں کو فی الحال جشن منانے سے روک دیا ہے گیا ہے۔رکن پنجاب اسمبلی خواجہ عمران نذیر نے کہا ہے کہ حمزہ شہباز نے وزارت اعلیٰ کا حلف اٹھانے کے بعد پارٹی کارکنوں کو جشن منانے سے روک دیا ہے۔انہوں نے کہا کہ حمزہ شہباز نے پارٹی کارکنوں کو ہدایت کی ہے کہ رمضان المبارک میں اللہ کے حضور ملک کی بہتری کی دعائیں کریں۔خواجہ عمران نذیر نے مزید کہا کہ حمزہ شہباز کی ہدایت ہے کہ کارکنوں سے کہیں عید الفطر کے بعد ہم سب جشن منائیں گے۔

دوسری جانب گورنر پنجاب نے  عثمان بزدار کا استعفیٰ  ٰغیر آئینی قرار دے دیا ہے ۔

عثمان بزدار اور سپیکر اسمبلی کا کہنا تھا کہ حمزہ شہباز کا الیکشن ہی نہیں ہوا تو کیسے وزیر اعلیٰ منتخب ہو سکتے ہیں ۔

علاوہ ازیں آج گورنر پنجاب کی جانب سے سپیکر پنجاب اسمبلی کو خط لکھا گیا جس میں کہا گیا کہ عثمان بزدار کے استعفے کو مسترد کر دیا گیا ہے ۔ خط کے بعد سردار عثمان بزدار نے پنجاب سیکرٹریٹ میں   کابینہ کا اجلاس طلب کیا  تھا۔ پنجاب اسمبلی پہنچنے والے وزارء میں میاں اسلم اقبال، ڈاکٹر مراد راس،میاں محمود الرشید،عنصر مجید نیازی، اخلاق احمد، باؤ رضوان حسین بہادر دریشک، محسن لغاری اور یاسمین راشد شامل ہیں۔

پنجاب اسمبلی آمد پر میڈیا سے گفتگو کرتے ہوئے  سردار عثمان بزدار نے کہا کہ استعفیٰ مسترد ہونے پر عہدے پر بحال ہو چکا ہوں ،  کیبنٹ اور قانونی ٹیم کی مشاورت سے آئندہ کا لائحہ عمل طے کیا جائے گا۔حمزہ شہباز کی حلف برداری کی تقریب سے متعلق سوال کے جواب پر انہوں نے کہا کہ قانونی معاملہ ہے اس پر بات نہیں کر سکتا ۔ذرائع کا کہنا ہے کہ عثمان بزدار کابینہ اجلاس کے بعد گورنر پنجاب کو اسمبلی توڑنے کا کہہ سکتے ہیں۔