وزیراعلیٰ پنجاب حمزہ شہباز نے گورنر پنجاب کی برطرفی تک کابینہ کا تشکیل روکنے کا فیصلہ کیا ہے۔

ذرائع کے مطابق مسلم لیگ (ن) کے ایک سینئر رہنما نے انکشاف ہے کیا کہ مسلم لیگ (ن) کی زیرقیادت پنجاب کابینہ کیلئے ناموں کو حتمی شکل دینے کیلئے بات چیت جاری ہے، تاہم گورنر کی برطرفی تک یہ عمل ایک دو ہفتے کیلئے مؤخر کیا جا سکتا ہے۔

لیگی رہنماء کا کہنا تھا کہ جب تک عمر چیمہ عہدے پر موجود ہیں، وہ یقینی طور پر پنجاب کی نئی کابینہ سے حلف نہیں لیں گے، اس لئے ہمیں مجبوراً عدالت سےرجوع کرنا پڑے گا۔ اس لئے ہم نےفیصلہ کیا ہے کہ عدالت کی دوبارہ مداخلت کے بجائے، اس مہینے کے وسط تک ان کی برطرفی تک انتظار کیا جائے۔

یاد رہے کہ وزیر اعظم شہباز شریف نے گورنر پنجاب عمر سرفراز چیمہ کی برطرفی کی سمری 16 اپریل کو صدر عارف علوی کو بھیجی تھی۔