امریکی دفاعی تجزیہ کار ریبیکا گرانٹ نے اعتراف کیا ہے کہ عمران خان کو عدم اعتماد کے ذریعے ہٹانے میں امریکہ کا کردار تھا۔
امریکی دفاعی تجزیہ کار ریبیکا گرانٹ کا ٹی وی پروگرام میں کہنا تھا کہ پاکستان کو امریکہ مخالف پالیسیاں ختم کرنا ہوں گی، یوکرین کی حمایت کرنا ہو گی، اور روس کی مذمت کیساتھ دوطرفہ معاہدے بھی ختم کرنا ہوں گے۔
Listen to a US perspective on why the vote of no confidence against Chairman PTI @ImranKhanPTI succeeded. Clearly one of the reasons was independent foreign policy being pursued by Imran Khan for his country. #الیکشن_کراو_پاکستان_بچاو pic.twitter.com/EWh6w2wcOy
— PTI (@PTIofficial) May 2, 2022
امریکی تجزیہ کار نے مزید کہا کہ پاکستان کو چین کیساتھ دوطرفہ تعلقات بھی کم کرنا ہوں گے، جس کی وجہ سے عمران خان کی حکومت کو عدم اعتماد کے ذریعے ختم کیا گیا۔
یاد رہے کہ تحریک عدم اعتماد پر ووٹنگ سے قبل سابق وزیراعظم عمران خان نے کہا تھا کہ تحریک عدم اعتامد کے پس پردہ امریکی سازش ہے، ہمیں اس کے متعلق لکھ کر دھمکی دی گئی ہے۔ سابق وزیراعظم عمران خان کا کہنا تھا کہ اس سازش میں ہمارے اپنے لوگ بھی کچھ جانے میں اور کچھ انجانے میں اس سازش کا حصہ بنے ہوئے ہیں۔
علاوہ ازیں سابق وزیراعظم نے دھمکی آمیز مراسلہ چیف جسٹس پاکستان اور آرمی چیف سمیت ملک کی دیگر بڑی شخصیات کو بھی ارسال کیا تھا، اور پی ٹی آئی نے اس مراسلے کی تحقیقات کیلئے جوڈیشل کمیشن کا مطالبہ کر رکھا ہے۔
