وفاقی وزیر اطلاعات فواد چوہدری نے کہا ہے کہ اب شریف اور زرداری خاندان کی سیاست قصہ پارینہ بن چکی ہے، ضرورت ہے کہ اب اپوزیشن بھی نئے افراد کی لائی جائے۔
ٹوئٹر پر اپنے بیان میں وفاقی وزیر اطلاعات فواد چوہدری کا کہنا تھا کہ اپوزیشن کو ایک بار پھر کہتا ہوں عدالت کی بجائے اسپیکر آفس آئیں، اصلاحات کیلئے آپ کی تجاویز کا خیر مقدم کریں گے۔ انہوں نے کہا کہ الیکٹرانک ووٹنگ مشین کے نطام کو پہلے صرف سمجھیں، پھر آپ کے تمام خدشات دور کریں گے ، اوورسیز پاکستانیوں کے ووٹ کے حق پر پیچھے نہیں ہٹ سکتے ، کیونکہ یہ ہمارا انتخابی وعدہ تھا۔
اپوزیشن قیادت کو تنقید کا نشانہ بناتے ہوئے ان کا کہنا تھا کہ شریف اور زرداری فیملی کی سیاست قصہ پارینہ بن چکی ہے، اب اپوزیشن میں بھی نئے کھلاڑیوں کی باری ہے، اگلے دو سال پاکستان کی تاریخ کے اگلے دو عشروں کی سیاست طے کریں گے، 1990 کی دھائی کی سیاست کا مکمل اختتام اگلے دو سالوں میں ہو جائے گا۔
شریف زرداری فیملی سیاست قصہ پارینہ ہے، اب اپوزیشن میں بھی نئے کھلاڑیوں کی باری ہے، اگلے دو سال پاکستان کی تاریخ کے اگلے دو عشروں کی سیاست طے کریں گے، 1990 کی دھائ کی سیاست کا مکمل اختتام اگلے دو سالوں میں طے ہے۔
— Ch Fawad Hussain (@fawadchaudhry) November 18, 2021
یاد رہے کہ کل پارلیمنٹ کو مشترکہ اجلاس میں اپوزیشن اتحاد کو تاریخی شکست ہوئی تھی اور حکومت انتخابی اصلاحات سمیت دیگر 20 سے زائد بلز پاس کرانے میں کامیاب ہو گئی تھی۔
اپوزیشن لیڈر میاں شہباز شریف اور چیئرمین پیپلزپارٹی کا پریس کانفرنس میں کہنا تھا کہ پارلیمانی قوانین کو بلڈوز کر کے قانون سازی کی گئی، جسے عدالت میں چیلنج کریں گے۔
