سابق وزیر خزانہ شوکت ترین کا کہنا ہے کہ آئی ایم ایف کو پٹرولیم مصنوعات کی قیمتوں میں اضافے کی کسی قسم کی یقین دہانی نہیں کرائی تھی۔
ٹوئٹر پر جاری اپنے بیان میں شوکت ترین کا کہنا تھا کہ میں اس بات کی پہلے بھی تردید کر چکا ہوں کہ میں نے آئی ایم ایف کو پٹرول اور ڈیزل کی قیمتوں میں جون سے پہلے اضافے کی کوئی یقین دہانی نہیں کرائی بلکہ ہم نے سبسڈی دینے کا طریقہ کاردیا۔
I have already refuted that I gave assurance to IMF to increase petrol/diesel prices before June 2022. On the contrary we gave the method how to pay for the subsidy. Now Miftah Sahib you should not burden the citizens of this country and accept PTI govt was right in their policy
— Shaukat Tarin (@shaukat_tarin) May 6, 2022
سابق وزیر خزانہ نے کہا کہ مفتاح صاحب اب آپ پاکستانی عوام پر بوجھ نہیں ڈال سکتے اور اس بات کا اعتراف کریں کے پاکستان تحریک انصاف حکومت کی پالیسی درست تھی۔
یاد رہے وفاقی وزیر خزانہ نے ایک روز قبل کراچی میں پریس کانفرنس کرتے ہوئے کہا تھا کہ پی ٹی آئی حکومت آئی ایم ایف کیساتھ جون سے قبل پٹرولیم مصنوعات کی قیمتوں میں اضافے کا وعدہ کر چکی ہے۔
