وفاقی حکومت نے اشتراوصاف علی کو اٹارنی جنرل مقررکردیا ہے۔

وزیراعظم شہباز شریف نے  ماہرقانون اشتر اوصاف علی کی بطور اٹارنی جنرل پاکستان تعیناتی کی منظوری دے دی ہے۔

اشتراوصاف علی سابق وزیراعظم نوازشریف کے دور میں بھی 2018ء تک اٹارنی جنرل رہ چکے ہیں۔

علاوہ ازیں 2015-16ء میں وزیراعظم کے اسپیشل اسسٹنٹ قانون وانصاف رہ چکے ہیں جبکہ دو مرتبہ ایڈووکیٹ جنرل پنجاب کی ذمہ داریاں بھی نبھاچکے ہیں۔

یاد رہےکہ اس سے قبل پاکستان تحریک انصاف کے دور حکومت میں خالد جاوید اٹارنی جنرل پاکستان کے فرائض انجام دے رہے تھے، جنہوں نے پی ٹی آئی حکومت کے خاتمے پر عہدے سے استعفیٰ دے دیا تھا۔