وزیراعلیٰ پنجاب حمزہ شہباز نے سابق وزیراعظم عمران خان کے مطالبے کی حمایت کر تے ہوئے کہا ہے کہ ملکی مسائل کا حل انتخابات ہیں

فیصل آباد میں وزیر داخلہ رانا ثناءاللہ  کےہمراہ پریس کانفرنس کے دوران حمزہ  نے کہا کہ گزشتہ 4 سال میں جتنی تباہی ہوئی پہلے کبھی دیکھنے میں نہیں آئی، اگر سپریم کورٹ رات کو نہ کھلتی تو ملک بنانا ری پبلک بن چکا ہوتا، پنجاب میں ایک ماہ سے آئینی بحران تھا۔

انہوں نے کہا کہ ہم انتقام پر یقین نہیں رکھتے لیکن عوام کی جیبوں پر ڈاکہ ڈالنے والوں سے حساب ضرور لیا جائے گا، عوام کی خدمت اور فلاح و بہبود کیلئے اچھے افسران کو لیکر آئیں گے، راتوں رات سب بدلنے کے بلند و بانگ دعوے نہیں کریں گے، معاشی مسائل کا حل منصفانہ انتخابات ہیں۔

حمزہ شہباز نے کہا کہ ہمارا مقصد صرف عوام کے اعتماد کا ووٹ ہے، پاکستان مسلم لیگ (ن) نے 3200 ارب روپے کے ترقیاتی منصوبے دئیے، ہمارے دور میں پہلے بھی فیصل آباد میں تاریخی ڈویلپمنٹ ہوئی، اب بھی ہو گی۔