وفاقی وزیر اطلاعات و نشریات مریم اورنگزیب نے کہا ہے کہ وزیراعظم شہباز شریف نے پیکا ایکٹ 2016ء کے حوالے سے اسلام آباد ہائی کورٹ کے فیصلے کے خلاف ایف آئی اے کی سپریم کورٹ میں دائر درخواست کا سختی سے نوٹس لیا ہے، مذکورہ پٹیشن فوری طور پر واپس لی جاتی ہے جو حکومتی پالیسی اور اظہار رائے کی آزادی کے اصول کے خلاف ہے۔
ٹوئٹر پر جاری اپنے بیان میں انہوں نے کہا کہ وزیر اعظم اور مجھے کچھ دیر پہلے معلوم ہوا کہ ایف آئی اے نے پیکا ایکٹ 2016ء کے حوالے سے اسلام آباد ہائی کورٹ کے فیصلے کے خلاف سپریم کورٹ میں درخواست دائر کی ہے تاکہ ایکٹ کے سیکشن 20 کو بحال کیا جائے۔
Please note that this petition stands withdrawn immediately, as it is squarely against the government’s stated policy and principle of standing for and ensuring freedom of expression. The Prime Minister has taken strict notice of the filing of this petition.2/3
— Marriyum Aurangzeb (@Marriyum_A) May 7, 2022
مریم اورنگزیب نے کہا کہ مذکورہ پٹیشن حکومت کی پالیسی اور آزادی اظہار رائے کو یقینی بنانے کے اصول کے خلاف ہے، لہذا اسے واپس لیا جاتا ہے۔
Unfortunately, the news of this petition was a little late to reach us due to the fact that we were in Bisham during the day where there were no signals.3/3
— Marriyum Aurangzeb (@Marriyum_A) May 7, 2022
انہوں نے کہا کہ وزیراعظم نےدرخواست دائر ہونے کا سختی سے نوٹس لیا ہے، بدقسمتی سے درخواست دائر ہونے کی خبر ہم تک پہنچنے میں تھوڑی دیر ہوئی کیونکہ ہم دن کے وقت بشام میں تھے جہاں کوئی موبائل سگنل نہیں تھے۔
یاد رہے کہ ایف آئی نے پیکا آرڈیننس کا اسلام آباد ہائیکورٹ کا فیصلہ سپریم کورٹ میں چیلنج کرنے کیلئے درخواست دائر کی تھی۔
