سابق وزیراعظم عمران خان کی اہلیہ بشریٰ بی بی کی دوست فرح خان نے الزامات لگانے اور تضحیک آمیز انداز سے نام بگاڑنے پر مسلم لیگ ن کےمرکزی ڈپٹی سیکرٹری جنرل عطااللہ تارڑ کو قانونی نوٹس بھجوادیا۔
فرح خان نے اپنے وکیل اظہر صدیق کے ذریعے عطااللہ تارڑ کو قانونی نوٹس بھجوایا ہے، جس میں عطااللہ تارڑ سے7 روز میں غیرمشروط معافی اور الزامات واپس لینےکا مطالبہ کیا گیا ہے۔
قانون نوٹس کے متن کے مطابق فرح خان نے مطالبہ کیا ہےکہ عطااللہ تارڑ میڈیا پر آکر معافی مانگیں اور الزامات واپس لیں، ایسا نہ کرنے کی صورت میں 5 ارب روپے ہرجانےکی قانونی کارروائی کی جائےگی۔
