وزیراعظم شہباز  شریف نے ایم کیو ایم پاکستان کی رہنما نسرین جلیل کو گورنر سندھ تعینات کرنے کیلئے سمری صدر پاکستان کو ارسال کر دی۔

ذرائع کے مطابق شہباز شریف  نے نسرین جلیل کو گورنر سندھ بنانے کیلئے سمری صدر مملکت ڈاکٹر عارف علوی کو بھجوا دی ہے۔

متحدہ قومی مومنٹ (ایم کیو ایم) پاکستان نے وزیر اعظم کو گورنر سندھ کے لیے 5 نام تجویز کیے تھے جن میں نسرین جلیل، عامر خان، عامر چشتی، وسیم اختر اورکشور زہرہ شامل تھیں۔

یاد رہے کہ اگر صدر مملکت کی جانب سے سمری منظور کرلی گئی  تونسرین جلیل سندھ میں نصف صدی بعد بننے والی خاتون گورنر ہوں گی۔

ان سے قبل پاکستان کے پہلے وزیر اعظم لیاقت علی خان مرحوم کی اہلیہ رعنا لیاقت علی خان  1973ء سے 1975ء تک سندھ کی گورنر رہیں۔