ممتاز عالم دین، مبلغ اور مذہبی اسکالر مولانا طارق جمیل کا کہنا ہے کہ میرا سیاست سے قطعاً کوئی تعلق نہیں ہے۔
مولانا طارق جمیل کا کہنا تھا کہ معاشرے کے مختلف طبقات کی طرح حکمرانوں اور سیاستدانوں کو بھی احکامات خداوندی پر عمل پیرا ہونے کا پیغام دینے کیلئے تبلیغ کا تعلق ضروری ہے، اور میرا یہ تعلق نیا نہیں ہے۔
انہوں نے کہا کہ یہ سلسلہ 1992ء سے جاری ہے، 1997ء میں اس وقت کے وزیراعظم نوازشریف کی دعوت پر میں نے ان کی وفاقی کابینہ کے اجلاس میں وزرا ءسے تبلیغی خطاب کیا تھا، اس کے علاوہ بھی تبلیغ کے میں ان سے ملاقاتیں اوررابطے رہے۔
طارق جمیل کا کہنا تھا کہ 1992ء میں اس وقت قائم مقام صدر وسیم سجاد سے بھی ایوان صدر میں ملاقاتیں رہیں اور اب جو سابق وزیراعظم عمران خان سے ملاقاتیں ہوئیں وہ بھی اسی سلسلے میں تھیں۔
انہوں نے کہا کہ جب عمران خان نے بطور وزیراعظم ریاست مدینہ کی بات کی تو مجھےخوشی ہوئی، وہ ملاقات اسی سلسلے میں تھی، 27 ویں کی شب بھی انہوں نے شب دعا کیلئے دعوت دی تھی اسی لئےبنی گالہ گیا تھا۔
مولانا طارق جمیل کا کہنا تھا کہ معتقدین اور ناقدین کا معاملہ یہ ہے کہ ہم موجودہ سیاسی صورتحال میں اختلاف رائے کرنے اور سننے کی برداشت سے بھی عاری ہو چکے ہیں، پہلے سیاست میں فریق سے اختلاف کو مخالفت کہا جاتا تھا، لیکن اب بات تونفرت تک جاپہنچی ہے۔
