یوکرینی صدر نے اپنے بیان میں کہا کہ سکول پر حملے سے 60 افراد جان سے گئے
تفصیلات کے مطابق يوکرينی صدر وولوديمير زيلنسکی نے تصديق کر دی ہے کہ مشرقی يوکرين کے بلوگورويکا گاؤں ميں ايک اسکول کی عمارت پر روسی فضائی حملے ميں ساٹھ افراد ہلاک ہوئے۔ چوبيس فروری سے جاری جنگ ميں يہ اب تک ايک دن ميں ہلاک ہونے والوں کی سب سے زيادہ تعداد ہے۔ يہ حملہ ہفتے کو ايک اسکول کی عمارت پر کيا گيا تھا، جس ميں نوے افراد نے پناہ لے رکھی تھی۔ دريں اثناء گزشتہ روز امريکی فرسٹ ليڈی جل بائيڈن اور کينيڈا کے وزير اعظم جسٹن ٹروڈو نے يوکرين کے غير اعلانيہ دورے کيے۔ زيلنسکی نے بھی جی سيون ممالک کے اجلاس ميں شرکت کی۔
دوسری جانب روسی صدر ولادیمیر پوٹن کا کہنا ہے کہ یوکرین میں روس کی عسکری کارروائی مغرب کی پالیسیوں کا ردعمل ہے۔ پوٹن نے دوسری عالمی جنگ میں نازیوں کے خلاف ریڈ آرمی کی کامیابی کے ستتر سال پورے ہونے کے موقع پر منعقدہ فوجی پریڈ سے خطاب کرتے ہوئے نازی جرمنی کے خلاف جنگ کا موازنہ روس کی یوکرین میں عسکری کارروائی سے کیا۔ ان کا کہنا تھا کہ یوکرین میں روس کی عسکری مہم ممکنہ جارحیت کو کچلنے کا بر وقت اقدام تھا۔ روسی صدر کے مطابق ڈونباس خطے میں یوکرینی افواج کے خلاف لڑنے والے فوجی اپنی سرزمین کا دفاع کر رہے ہیں۔ دوسری جانب یوکرین کے صدر وولوديمير زیلنسکی کا کہنا تھا کہ ان کا ملک روس کو دوسری عالمی جنگ کی کامیابی کا سہرا نہیں لینے دے گا۔
