متحدہ عرب امارات نے کیا لیا بڑا اقدا م ،بیروزگار افراد کیلئے انشورنس کا اعلان کردیا ۔
تفصیلات کے مطابق عالمی خبررساں ادارے کے مطابق متحدہ عرب امارات کے نائب صدر اور دبئی کے حکمراں محمد بن راشد المکتوم نے ملازمین کیلئے ایسا انشورنس پروگرام متعارف کرایا ہے، جس کے تحت ملازمین کے بیروزگار ہونے پر محدودعرصے تک بیروزگاری الاؤنس دیا جائے گا۔
بیروزگاری الاؤنس اچانک نوکری سے ہاتھ دھو بیٹھنے والے ملازمین کیلئے ہے، یہ الاؤنس ایسے ملازمین کو محدودعرصےتک نئی ملازمت ملنے تک مالی تحفظ فراہم کرے گا۔
اماراتی حکام کے مطابق اس الاؤنس کا مقصد متحدہ عرب امارات میں لیبرمارکیٹ کی مسابقت بڑھانا، ملازمین کی حفاظت اور روزگار کا مستحکم ماحول قائم کرنا ہے۔
