سابق وزیراعظم عمران خان کے معاون خصوصی ندیم افضل چن نے دعویٰ کیا ہے کہ عمران خان نے جنرل باجوہ کوایکسٹینشن منتیں کرکے دی تھی۔

نجی نشریاتی ادارے کے پرو گرام میں گفتگو کرتے ہوئے ندیم افضل چن کا کہنا تھا  کہ سابق وزیراعظم عمران خان نے آرمی چیف کو منتیں کرکے ایکسٹینشن دی تھی۔ انہوں نے کہا کہ عمران خان بعد میں کسی اور کو آرمی چیف لگانا چاہتے تھے، اس لئے  وقت کا حساب لگا کر جنرل قمر جاوید باجوہ کی مدت ملازمت میں توسیع کی۔ ندیم افضل چن نے کہا کہ عمران خان تو  2028ء تک حکومت بنا کر بیٹھے تھے۔

ندیم افضل چن کا کہنا تھا کہ  اسٹیبلشمنٹ، عدلیہ، الیکشن کمیشن میں کون ہو گا، آرمی چیف اور ڈی جی آئی ایس آئی کون کون ہو گا، اور اداروں میں سے کس کس کوسائیڈ پر کرنا ہے، یہ سب کچھ طے کر لیا گیا تھا۔