حکومتی اتحادی جماعت ایم کیو ایم کی رکن نےایوان میں حکومتی جماعت سے شکوہ کر دیا ۔
حکومتی اتحادی متحدہ قومی موومنٹ (ایم کیو ایم) کی رکن قومی اسمبلی کشور زہرا نے ایوان میں مناسب جگہ الاٹ نہ کرنے کا شکوہ کیا ہے۔
قومی اسمبلی اجلا س کے دوران کشور زہرہ نے اسپیکر راجا پرویز اشرف سے استفسار کیا کہ اتحادیوں کو آپ نے کیا صرف کورم پورا کرنے کےلیے رکھا ہوا ہے؟
انہوں نے کہا کہ اگر ایوان میں مجھے مناسب جگہ الاٹ نہ ہوئی تو کل سے نہیں آؤں گی۔
اسپیکر راجا پرویز اشرف نے اسمبلی عملے کو ایم کیو ایم کی ایم این اے کا مسئلہ فوری طور پر حل کرنے کی ہدایت کی۔
