سابق وزیر اعظم نواز شریف کو بیٹوں سمیت انٹر پول کے ذریعے واپس لانے کی درخواست سندھ ہائی کورٹ نے مسترد کردی ہے۔
تفصیلات کے مطابق نواز شریف، ان کے بیٹوں اور سلیمان شہباز کو انٹرپول کے ذریعے لندن سے ملک میں واپس لانے سے متعلق کیس میں سندھ ہائی کورٹ نے درخواست ابتدائی سماعت پر ہی مسترد کردی۔
شریف فیملی کی واپسی کی درخواست شہری محمود اختر نقوی نے دائر کی تھی۔ دوران سماعت عدالت نے استفسار کیا کہ آپ نے یہ درخواست کس حیثیت میں دائر کی ہے؟
اس پر درخواست گزار کا کہنا تھا کہ میں نے یہ درخواست عوامی مفاد میں دائر کی ہے، جس پر عدالت نے کہا کہ درخواست عوامی مفاد سے شہرت حاصل کرنے کیلئے دائر کی گئی ہے۔عدالت نے ریمارکس دئیے کہ سپریم کورٹ کا فیصلہ ہے عوامی مفاد کا مقصد پبلسٹی نہیں ہوناچاہیے۔
سندھ ہائیکورٹ نے شریف فیملی کو انٹرپول کے ذریعے واپس لانے کی درخواست مسترد کر دی۔
