سندھ  کےمحکمہ صحت نے صوبے میں ہیٹ ویو کے پیش نظر سرکاری ہسپتالوں میں ایمرجنسی نافذ کرتے ہوئے عملے کی چھٹیاں منسوخ کردی ہیں۔

سندھ حکومت نے درجہ حرارت میں غیر معمولی اور مسلسل اضافے کے بعد ہسپتالوں میں فوری طور پر ہیٹ ویو وارڈز بنانے کی ہدایت بھی کی ہے۔

محکمہ موسمیات کے مطابق ملک کے بیشتر علاقے شدید گرمی کی لپیٹ میں ہیں، اسی دوران 15 مئی تک  ہیٹ ویو مزید شدت اختیار کرسکتی ہے۔

تفصیلات کے مطابق آج سب سے زیادہ درجہ حرارت  ڈیرہ غازی خان اور جیکب آباد میں 48 ڈگری سینٹی گریڈ ریکارڈ کیا گیا۔

علاوہ ازیں دادو اور کوٹ ادو میں پارہ 47 ڈگری،ملتان اور خانیوال میں 46 ڈگری ریکارڈ کیا گیا۔

لاہور میں بھی گرمی کی شدت برقرار ہے اور درجہ حرارت 42 ڈگری پر پہنچ گیا ہے،کراچی میں36 ڈگری کی گرمی 41 ڈگری محسوس کی گئی۔